दिनांक 31 ऑक्टोबर 2020 रोजी धन्वंतरी आयुर्वेदिक मेडिकल कॉलेज अँड चॅरिटेबल हॉस्पिटल,उदगीर व सामान्य(शासकीय-उपजिल्हा),उदगीर यांच्या संयुक्त विद्यमाने महर्षी वाल्मिकी ऋषी व माजी गृहमंत्री-उपपंतप्रधान लोहपुरुष स्व.सरदार वल्लभभाई पटेल यांची जयंती आणि माजी पंतप्रधान स्व.इंदिरा गांधी यांची पुण्यतिथी साजरी करण्यात आली.कोरोना विषाणू संसर्गाच्या व प्रादुर्भावाच्या पार्श्वभूमीवर सामाजिक व वैयक्तिक अंतर राखून या कार्यक्रमाचे आयोजन करण्यात आले होते.
कार्यक्रमाच्या अध्यक्षस्थानी प्राचार्य डॉ.दत्तात्रय पाटील हे होते तर व्यासपीठावर प्रमुख अतिथी म्हणून डॉ.दत्तात्रय पवार(वैद्यकीय अधीक्षक,सामान्य-उपजिल्हा रुग्णालय,उदगीर),डाॅ.अजय महिंद्रकर(वैद्यकीय अधिकारी),डाॅ.सौ.उषा काळे(रुग्णालय उपाधीक्षक) व सौ.मानकोळे(नर्सिंग सुपरिंटेंडेंट)हे उपस्थित होते.
कार्यक्रमाचे सुत्रसंचलन वैद्यकीय अधिकारी डाॅ.मल्लिकार्जुन बिरादार यांनी केले तर आभार प्रदर्शन प्रा.डाॅ.रश्मी चिद्रे यांनी केले.
याप्रसंगी वैद्यकीय अधिकारी डाॅ.डी.ए.भोसले,डाॅ.रश्मी सुखदेवे यांच्यासह धन्वंतरी आयुर्वेदिक महाविद्यालयाचे शिक्षक-शिक्षकेतर कर्मचारी व आंतरवासियता प्रशिक्षणार्थी तथा सामान्य रुग्णालय,उदगीरचे कर्मचारी उपस्थित होते.
