धन्वंतरी आयुर्वेद कॉलेज व रोटरी क्लब ऑफ उदगीर सेंट्रलच्या वतीने धन्वंतरी आयुर्वेद मेडिकल कॉलेज अँड चॅरिटेबल हॉस्पिटल,उदगीर येथे कोरोना विषाणू संसर्गाच्या व प्रादुर्भावाच्या पार्श्वभूमीवर सामाजिक व वैयक्तिक अंतर राखून वनौषधी उद्यानामध्ये जिल्हाधिकारी जी.श्रीकांत यांच्या वाढदिवसानिमित्त गुरुवार दि.18जुन2020 अतिरिक्त जिल्हाधिकारी डाॅ.अरविंद लोखंडे यांच्या शुभहस्ते औषधी लागवड करण्यात आली.
कार्यक्रमाच्या अध्यक्षस्थानी प्राचार्य डॉ.दत्तात्रय वि.पाटील हे होते. तर प्रमुख अतिथी म्हणून मानद सदस्य रमेशअण्णा अंबरखाने,सामान्य रुग्णालयाचे वैद्यकीय अधीक्षक डॉ.दत्तात्रय पवार,डाॅ.एस.आर.श्रीगिरे,डाॅ.आश्रुबा जाधव,डाॅ.स॔दीप मुसणे,डाॅ.सत्तारी,डाॅ.मनोहर सुयॆवंशी,डाॅ.मल्लिकार्जुन बिरादार हे उपस्थित होते.
या प्रसंगी बोलताना डाॅ.लोखंडे म्हणाले की वनौषधींची लागवड-संरक्षण-संवर्धन हे जैवविविधतेचे संतुलन स्वच्छ परिसर,हरीत परिसर व सुंदर परिसर संकल्पनेवर आधारित आहे. कोरोना विषाणू संसर्गाच्या व प्रादुर्भावाच्या पार्श्वभूमीवर तुलसी,अडुळसा,अश्वगंधा,हरिद्रा यासारख्या विविध औषधी रोगप्रतिकार क्षमता वाढवण्यासाठी अत्यंत उपयुक्त आहेत.
यावेळी धन्वंतरी आयुर्वेद मेडिकल कॉलेज अँड चॅरिटेबल हॉस्पिटलचे शिक्षक-शिक्षकेतर कर्मचारी व आंतरवासियता प्रशिक्षणार्थी उपस्थित होते.
